შემფასებელთა და ექსპერტთა პროფესიული განვითარების ცენტრის სერტიფიკაციის ორგანო
საგამოცდო პროგრამა
საგამოცდო პროგრამა შედგება ორი ნაწილისაგან და მოიცავს ტესტირებასა და პრაქტიკული სამუშაოს შესრულებას.
I ეტაპი – ტესტირება. ტესტირება საგამოცდო ბილეთის შესრულების საფუძველზე ხორციელდება. ტესტები ინტეგრირებულია კომპიუტერულ პროგრამაში, რომელიც უზრუნველყოფს ინდივიდუალური და თანაბარი სირთულის საგამოცდო ბილეთის შედგენას თითოეული მაძიებლისათვის.
საგამოცდო ბილეთი შედგება 40 საკითხისგან: აქედან 2 არის თემიდან – “ქონებასთან დაკავშირებული იურიდიული ასპექტები”, 10 თემიდან - “მოძრავი ქონების შეფასების მეთოდოლოგიური საფუძვლები”, 7 თემიდან - “მოძრავი ქონების ცვეთა”, 7 თემიდან – “მოძრავი ქონების შეფასება: შემოსავლების მიხედვით მიდგომა”; 7 თემიდან - “მოძრავი ქონების შეფასება: დანახარჯების მიხედვით მიდგომა”; 7 თემიდან - “მოძრავი ქონების შეფასება: გაყიდვების შედარების მიხედვით მიდგომა”.
ტესტების შედეგების შეჯამების საფუძველზე ხდება საბოლოო შეფასების - ტესტირების ქულის გამოყვანა.
ტესტირებისათვის გამოყოფილი დროის ხანგრძლივობა შეადგენს 2 საათს.
სერტიფიკატის მაძიებლები, რომელთა ტესტირების ქულა შეადგენს მაქსიმალური შედეგის სამოცდაათ ან მეტ პროცენტს (28 ქულას ან მეტს), უფლებამოსილნი არიან მონაწილეობა მიიღონ საგამოცდო პროგრამის მეორე ეტაპში, ანუ შეასრულონ პრაქტიკული სამუშაო.
II ეტაპი – პრაქტიკული სამუშაო - პრაქტიკული სამუშაო წარმოადგენს მოძრავი ქონების შეფასების ანგარიშის მომზადებას შეფასების 2 მიდგომის (მეთოდის) გამოყენებით. ანგარიში უნდა შეესაბამებოდეს შეფასების საერთაშორისო სტანდარტების (IVS) მოთხოვნებს.
შესრულებულ შეფასების ანგარიშს მაძიებელი წარადგენს სერტიფიკაციის ორგანოში (ტესტირებიდან 6 თვის განმავლობაში) და ახდენს მის პრეზენტაციას საგამოცდო კომისიასთან. საბოლოო შედგებს საგამოცდო კომისია შეაფასებს.
საკითხები:
სერტიფიკაციის პროგრამა მოძრავი ქონების შეფასებაში
მოძრავი ქონების შეფასების მეთოდოლოგიური საფუძვლები
ცვეთის გაანგარიშება მოძრავი ქონების შეფასების პროცესში
მოძრავი ქონების შეფასების ძირითადი მეთოდები და ხერხები
მოძრავი ქონების შეფასების ძირითადი მეთოდები და ხერხები
მოძრავი ქონების შეფასების ძირითადი მეთოდები და ხერხები
შეფასების პროცესი და შეფასების ანგარიშის მომზადება
